പട്ടികവർഗ്ഗ യുവജനങ്ങൾക്കിടയിലെ തൊഴിലില്ലായ്മ പരിഹരിക്കുന്നതിനും ഉപജീവന മാർഗ്ഗത്തിനു വേണ്ടി സ്വയം തൊഴിൽ കണ്ടെത്തുന്നതിനും വ്യക്തികൾക്കും, സ്വയം സഹായ സംഘങ്ങൾക്കും സഹായം നല്കാൻ ലക്ഷ്യമിട്ടിരിക്കുന്ന പദ്ധതിയാണിത്.
ഈ പദ്ധതിയുടെ ഘടകങ്ങൾ താഴെ പറയുന്നവയാണ് :

• സംരംഭകത്വ വികസന പരിപാടികളുടെ പ്രോത്സാഹനം.
• പരിചയസമ്പന്നരായ സ്റ്റാർട്ടപ്പ് മെന്റർമാർ മുഖേന പട്ടികവർഗ്ഗ യുവാക്കൾ ആരംഭിക്കുന്ന സ്റ്റാർട്ടപ്പുകൾക്ക് സഹായവും പിന്തുണയും നൽകുക. വ്യക്തികളുടേയും സ്വയം സഹായ സംഘങ്ങളുടെയും സൂക്ഷ്മ സംരംഭങ്ങൾക്ക്‘സീഡ് മണി’ നൽകുക.
• ആശാരിപ്പണി, കൊത്തുപണി, ഇലക്ട്രീഷ്യൻ, പ്ലംബിംഗ് തുടങ്ങിയ ട്രേഡുകളിൽ പരിശീലനം നൽകി ലേബർ കോൺട്രാക്ട് സൊസൈറ്റികൾ സ്ഥാപിക്കുകയും യൂണിറ്റുകൾ സ്ഥാപിക്കുന്നതിനുള്ള പ്രവർത്തന മൂലധനവും ടൂൾകിറ്റുകൾനൽകുകയും ചെയ്യുക.
• പട്ടികവർഗ്ഗക്കാർക്ക് വിവിധ ട്രേഡുകളിൽ നൈപുണ്യ പരിശീലനം നല്കുകയും പ്ലെയിസ് മെന്റ് ഉറപ്പാക്കുന്നതിൻ ധനസഹായം നല്കുകയും ചെയ്യേണ്ടതാണ്. നൈപുണ്യ വികസന പരിശീലന ഏജൻസികളെ സർക്കാർ മാനദണ്ഡപ്രകാരം തെരെഞ്ഞെടുക്കേണ്ടതാണ്.
• പി.എസ്.സി, യു.പി.എസ്.സി, എസ്.എസ്.സി, ആർ.ആർ.ബി ബാങ്ക് പരീക്ഷകൾക്കുള്ള പരിശീലനം.
• പ്രൊഫഷണല് കോഴ്സുകളിലേക്ക് പ്രവേശനം തേടുന്ന പട്ടികവർഗ്ഗ വിദ്യാർത്ഥികൾക്ക് എൻട്രൻസ് അധിഷ്ഠിത പരിശീലനം.
• വിദ്യാർത്ഥികൾക്ക് പ്രീ-എൻജിനീയറിങ് പരിശീലനവും കോഴ്സില് നിന്നും കൊഴിഞ്ഞുപോയവർക്ക് പ്രത്യേക പരിശീലനവും.
• ഐ.ടി.ഐ, ഐ.ടി.സി പാസ്സായ പട്ടികവർഗ്ഗ വിദ്യാർത്ഥികൾക്ക് അധിക അപ്രന്റീസ്ഷിപ്പിനുള്ള സൗകര്യങ്ങൾ.
• പ്ലസ് ടു കഴിഞ്ഞവർ, ബിരുദധാരികളായ യുവാക്കൾ എന്നിവർക്ക് കരിയർ ഡെവലപ്മെന്റ് &ഓറിയന്റേഷൻ ക്ലാസുകൾ.
• ഇന്ത്യയ്ക്കകത്തും വിദേശത്തും തൊഴിലവസരം കണ്ടെത്തിയ പട്ടികവർഗ്ഗക്കാരായ യുവതീ/യുവാക്കൾക്ക് തൊഴിൽ നേടുന്നതിനുള്ള സാമ്പത്തിക പിന്തുണ നല്കൽ.
• പട്ടികവർഗ്ഗക്കാരുടെ കരകൗശല സാധനങ്ങളുടേയും തനത് ഉല്പന്നങ്ങളുടെയും നിർമ്മാണം പ്രോല്സാഹിപ്പിക്കുകയും അവയുടെ സുഗമമായ ഓണ്ലൈൻ വിപണനത്തിൽ ജിയോ-ടാഗിംഗ് സംവിധാനം ഏർപ്പെടുത്തുകയും ചെയ്യുക.
• വെർച്വൽ എപ്ലോയ് മെന്റ് എക്സ്ചേഞ്ചിന്റെ പ്രവർത്തനം ശക്തിപ്പെടുത്തുക.
• തദ്ദേശ സ്വയംഭരണ സ്ഥാപനങ്ങളിലും പട്ടികവർഗ്ഗവികസന വകുപ്പിലും നിയമിതരായ അപ്രന്റീസ് എൻജിനീയർമാരുടെയും ഓവർസിയർമാരുടെയും ഓണറേറിയം.
• കേന്ദ്ര സർക്കാരിന്റെയും മറ്റ് വകുപ്പുകളുടെയും തൊഴിലധിഷ്ഠിത പദ്ധതികളിലേക്കുള്ള പട്ടികവർഗ്ഗക്കാർക്കുള്ള ഗുണഭോക്തൃ വിഹിതം. വാർഷികവരുമാനം 2.5 ലക്ഷത്തിൽ താഴെയായിരിക്കണം.
• ട്രെയിനിംഗ് ഫോർ കരിയർ എക്സലൻസ് (ട്രേസ്) (തൊഴിൽ മികവിനുള്ള പരിശീലനം)- പ്രൊഫഷണലുകൾക്കും വിവിധ മേഖലകളിൽ ബിരുദം നേടിയ പട്ടികവർഗ്ഗ യുവാക്കൾക്കുമായി ഇന്റേൺഷിപ്പും പ്ലേസ് മെന്റ് പരിശീലനവും. അപ്രന്റീസ്ഷിപ്പിന്റെയും ഇന്റേൺഷിപ്പിന്റെയും തെരഞ്ഞെടുപ്പും നിയമനവും സർക്കാരിന്റെ നിലവിലുള്ള മാനദണ്ഡങ്ങൾക്ക് അനുസൃതമായിരിക്കും.

ഈ പദ്ധതി കേരള നോളജ് ഇക്കണോമി മിഷനുമായി സംയോജിപ്പിച്ച് സർക്കാർ മാനദണ്ഡങ്ങൾ കർശനമായി പാലിച്ച് നടപ്പിലാക്കും. ഗ്രാമ വികസന വകുപ്പിന്റെ നേതൃത്വത്തിൽ നടത്തിയ അതിദാരിദ്ര്യ സർവെ പ്രകാരം (ഇ.പി.ഐ.പി) കണ്ടെത്തിയ പട്ടികവർഗ്ഗ കുടുംബങ്ങളിലെ യുവതി/യുവാക്കൾക്ക് ഈ പദ്ധതിയിൽ മുൻഗണന നൽകും.